|
A BANDA DOS CUEIROS
A Banda dos Cueiros Asociación Espazo Lectura (Gondomar), 2017 A Banda dos Cueiros é unha banda de música infantil que naceu das actividades de Espazo Lectura de Gondomar. Música para nenos e nenas de 0 ata os 7 anos, aproximadamente, nun libro con moitas pezas da tradición que está organizado en catro bloques temáticos (as rutinas, os afectos, os animais e as partes do corpo) e pretende ser unha ferramenta lúdica e didáctica que contribúa ao desenvolvemento dos máis pequenos, das máis pequenas. |
|
A GRAMOLA GOMINOLA
A Gramola Gominola Galaxia, 2016 Libro-disco no que se fai un percorrido pola historia da música contemporánea, con diferentes estilos. Contén o tema "Campión internacional", centrado na billarda. |
|
ARROLOS DE SALITRE
Xabier Díaz, Guillerme Fernández Kalandraka, 2017 Un disco de 11 nanas coa música popular como referencia. O disco inclúe 10 textos de diferentes autores como Carlos Rivero, Xabier Díaz e unha selección de coplas de tradición oral. |
|
ARROLOS E RODAS: TEXTOS POPULARES
Begoña Varela Vázquez, Noemí López Everest, 2008 A entoación e o ritmo silábico destas composicións tranquilizan e acariñan os máis pequenos no seu camiño ao descanso. Coas cancións de roda iniciámonos na literatura a través do xogo, un xogo compartido que nos axuda a relacionarnos cos nosos iguais. |
|
CANTA CONNOSCO!
Migallas Teatro Kalandraka, 1996 Libro-disco dirixido a público familiar , con ilustracións de Óscar Villán, do que se publicou unha edición conmemorativa en formato libro-cd-dvd, coincidindo co seu 20º aniversario. A aparición deste traballo musical en 1996 foi todo un fito na música do país. Por primeira vez, un grupo galego con ampla experiencia de actuacións en directo para público infantil e xuvenil, facía un disco na nosa lingua coa calidade dun traballo musical para persoas adultas. Inclúe cancións infantís de carácter máis tradicional, xunto co rap, o rock, a cumbia, o reagge e o pasodobre, ata unha melodía de inspiración africana ou un canto de berce, pasando polo tema instrumental folk que pecha o disco. Contén tamén o auténtico hit do mundo do patrimonio lúdico titulado "Os xogos". |
|
EU BEN VIN, VIRIVÍN
Manuel Rico Verea Xerais, 2018 Con ilustracións de David Rodríguez, este libro compendia as prosodias, rimas, recitados, fórmulas máxicas e encadeados máis representativos do cancioneiro de tradición oral infantil que nos falan do mundo dos animais e que, por seren transmitidos de xeración en xeración, están moi ligados á cultura popular e ás veces a ritos ancestrais. O libro acompáñase dun documento sonoro creado polo Obradoiro Experimental de Música Tradicional, formado por Nani García e Manuel Rico, que nos aproxima a novas referencias musicais recreando as melodías do cancioneiro tradicional. |
|
FÍOS DO QUERER
Cé orquestra pantasma Miudiño, 2016 Fíos do querer ofrécenos 24 sinxelas e fermosas cancións para xogar, cantar e bailar cos nenos/as no colo. |
|
LUÍS VALLECILLO
Música para nenos e nenas Artista que dirixe o seu traballo ao público infantil con todo tipo de producións. Algúns dos seus temas musicais fan referencia explícita ao patrimonio lúdico galego. |
|
NON HAI BERCE COMA O COLO
Paulo Nogueira, Magoia Bodega, Mariona Cabassa Kalandraka, 2014 Un libro-disco de arrolos tradicionais, xoias melódicas do noso patrimonio oral e musical recreadas por destacados intérpretes. “Estes cantos de berce, noutrora abondosos e hoxe case inexistentes, transmitían as palabras primeiras. Palabras que completaban o universo sonoro co amor vertido sobre a criatura…” (Mini no Limiar). |
|
PAN DE MILLO
Migallas Teatro Kalandraka, 2014 Libro-disco dirixido a público familiar que reúne 14 cancións infantís e versións de temas tradicionais que Migallas interpreta nos seus espectáculos e actividades de expresión dramática. |
|
PARA CANTAR E BAILAR
Luís Prego Fernández Edicións do Cumio, 2008 Guía con vinte e tres xogos e danzas tradicionais procedentes da nosa tradición pero adaptados aos tempos de hoxe. Para desenvolver colectivamente, con explicacións sinxelas das coreografías, ilustradas con debuxos, letras adaptadas, partituras, e un CD coas cancións e unha pista de vídeo para reforzar a comprensión. |
|
PELOGATO 24
Asociación de Gaiteiros Galegos Pai Música, 2007 O CD de audio consta de 13 cantigas tradicionais para nenos, interpretadas por cantantes e músicos do prestixio de Leilía, Fuxan os Ventos, Migallas, Xabier Díaz, Mercedes Arribe, Sonia Lebedynski, Sra. Carmen, Xurxo Souto, César Longa, Begoña Riobó, Pancho Álvarez, Segundo Grandío, Xosé Liz e a charanga 'Vai de Baile'. O DVD está formado por un docufilm dirixido por Pablo Carpintero e Gustavo Couto sobre os xogos tradicionais, ademais dun 'como se fixo' e os videoclips e playbacks das cantigas. |
|
O QUIQUIRIQUÍ
Asociación de Gaiteiros Galegos (Libro, CD e DVD) Pai Música, 2006 Na primeira parte do libro atópase a información de cada unha das cantigas incluidas no CD. Na segunda parte aparecen textos explicativos cunha ampla información sobre as tradicións do Nadal en Galiza. Os textos foron elaborados por Carlos Rey, Xosé Luis Rivas (Mini) e Baldomero Iglesias (Mero). |
|
TRACA-TRACO. 24 CANTIGAS DE NANAR, UN ALOUMIÑO E UN ARROLO
Alfonso Otero Regal, Paco Rivas Ed. do Cumio, 2015 — CD audio: 24 cantigas de nanar, un aloumiño e un arrolo — Pista de datos: Karaokes Partituras do disco: Arranxos Orff con opción de ver a partichela de cada instrumento co seu son MIDI Outras versións con karaoke Aplicación lectora de partituras Partituras das melodías orixinais en dúas tonalidades |
|
TRECE LÚAS
Asociación de Gaiteiros Galegos Pai Música, 2009 As lúas que compoñen o ciclo do ano, ou os doce meses do calendario; as lúas que dende tempos ancestrais foron guía da vida; as lúas que puxeron data aos traballos e tamén ás festas; as lúas que levan aparelladas unha fonda tradición cultural que chega ate os nosos días... |
|
XOGOS MUSICAIS
Luís Prego Fernández, Marta Iglesias Ed. do Cumio, 2013 Este traballo pretende afondar nos xogos, recitados e cancións para os máis cativos da casa, converténdose deste xeito nun libro entregado por completo aos xogos musicais iniciáticos. O tratamento das cantigas e recitados que compoñen este libro foron escollidos para que sexan un bo material didáctico para os pais, non se centrando exclusivamente na faceta artística. As músicas son doadas de asimilar e facilmente reproducibles por pais e nais que non sexan grandes intérpretes ou cantantes profesionais, e as súas letras repetitivas... Contén un CD con 38 cancións. |
